நீங்கள் தேடியது "கூட்டணி கட்சிகள்"

தஞ்சாவூர்:

தூத்துக்குடியில் ஸ்டெர்லைட் ஆலையை மூடக்கோரி போராட்டம் நடத்திய பொதுமக்கள் மீது துப்பாக்கி சூடு நடத்தியதில் 13 பேர் பலியான சம்பவத்திற்கு பொறுப்பேற்று முதல்-அமைச்சர் எடப்பாடி பழனிச்சாமி பதவி விலகக்கோரி தஞ்சை பழைய பஸ் நிலையம் முன்பு தி.மு.க. மற்றும் கூட்டணி கட்சிகள் சார்பில் இன்று சாலை மறியல் போராட்டம் நடந்தது. இதில் தி.மு.க, காங்கிரஸ், மார்க்சிஸ்ட் கம்யூனிஸ்டு, இந்திய கம்யூனிஸ்டு, ஜனநாயக மாதர் சங்கத்தினர், ம.தி.மு.க.வினர் உள்பட ஏராளமானோர் கலந்து கொண்டனர்.

இந்த போராட்டத்துக்கு தி.மு.க. மாவட்ட செயலாளர் துரை.சந்திரசேகரன் எம்.எல்.ஏ. தலைமை தாங்கினார். இதில் முன்னாள் மத்திய மந்திரி டி.ஆர்.பாலு, ஒரத்தநாடு எம்.எல்.ஏ. ராமச்சந்திரன், மாவட்ட பொறுப்பாளர் து.செல்வம், மாநகர செயலாளர் நீலமேகம், சட்டத்திருத்தக்குழு உறுப்பினர் இறைவன், மாவட்ட இளைஞரணி அமைப்பாளர் சண்.ராமநாதன், மாநகர மாவட்ட காங்கிரஸ் பொறுப்பாளர் பழனியப்பன், பட்டதாரி அணி மாநில பொதுச்செயலாளர் லெட்சுமி நாராயணன், கோட்ட தலைவர்கள் கதர் வெங்கடேசன், சவுரிராஜன், மார்க்சிஸ்ட் கம்யூனிஸ்டு மாவட்ட செயலாளர் நீலமேகம், செயற்குழு உறுப்பினர்கள் மாலதி, செந்தில்குமார், மாவட்ட துணைச்செயலாளர் அன்பு, தமிழக விவசாயிகள் சங்க மாவட்ட செயலாளர் சாமி நடராஜன், இந்திய கம்யூனிஸ்டு மாவட்ட செயலாளர் பாரதி, ஏ.ஐ.டி.யூ.சி. மாநில செயலாளர் சந்திரகுமார், ம.தி.மு.க. மாவட்ட செயலாளர் உதயகுமார், விடுதலை சிறுத்தைகள் கட்சி மாவட்ட செயலாளர் சொக்கா ரவி உள்பட ஏராளமான கட்சி நிர்வாகிகள் மற்றும் தொண்டர்கள் கலந்து கொண்டனர். அவர்கள் தூத்துக்குடியில் போலீசாரின் துப்பாக்கி சூடு நடவடிக்கையை கண்டித்தும், எடப்பாடி பழனிச்சாமியை பதவி விலகக்கோரியும் கோ‌ஷம் எழுப்பினர்.

பஸ் நிலையத்தின் முன்பு இந்த போராட்டம் நடந்ததால் போக்குவரத்து பாதிக்கப்பட்டது. இதைத்தொடர்ந்து பாதுகாப்பு பணியில் ஈடுபட்ட போலீசார் சாலை மறியலில் ஈடுபட்ட 14 பெண்கள் உள்பட 100 பேரை கைது செய்தனர்.